Kur ata, Meghan dhe Harry ishin ende pjesëtarë të familjes mbretërore, çdo event bamirësie dhe mbledhje fondesh për kauza të ndryshme bëheshin në emër të ‘The royal Sussex’, pra çifti i Sussex-ve, titulli mbretëror që Meghan dhe Harry kishin deri para pak muajsh.
Por me të hequr dorë nga detyrimet dhe përfitimet e titujve mbretërore, tashmë dyshja janë njerëz të thjeshtë, si gjithë të tjerët, e si të tillē do të vijojnë edhe me eventet e bamirësisë . Ish- Duka dhe Dukesha e Sussex kanë hapur një organizatë të re bamirësie, që e kanë quajtur ‘Archewell’.
Pasi lajmi u bë publik në mediat e huaja; çifti e ndjeu të nevojshme një sqarim për publikun se si lindi ‘Archewell’:
“Para SussexRoyal ishte ideja e ‘arche’ – një term që vjen nga greqishtja e lashtë dhe do të thotë ‘burim i një veprimi’. Ne e pëlqyem këtë koncept për organizatën tonë të bamirësisë dhe shpresonim që një ditë të ndërtonim diçka me këtë emër, i cili u bë frymëzim edhe për emrin e djalit tonë. Archewell është një emër që ndërthur fjalën e lashtë të forcës dhe veprimit si edhe ngjall të gjitha burimet e brendshme të secilit prej nesh. Mezi prezim ta prezantojmë kur të jetë koha e duhur.”; janë shprehur Meghan dhe Harry!
