Vendimi i anulimit të dasmave nga ministri Arben Vitia i marrë me datën 4 maj, shkaktoi polemika të shumta nga artistë të cilët shprehen pakënaqesitë e tyre duke e quajtur si vendim të padrejtë.
Por disa e morën si diçka normale duke e ditur gjendjen aktuale të karantinimit për parandalimin e koronavirusit.
Këngëtarët e estradës janë të shumtë të cilët përfitojnë nga dasmat që mbahen Kosovë, Shqipëri duke mos i lënë anash edhe mbrëmjet muzikore, sidomos gjatë verës.
Këngëtari, Taulant Bajraliu në një prononcim shprehi pakënqësitë e tij me marrjen e këtij vendimi.
Ju jeni njëri nga këngëtarët që merrni ftesa të shumta sa i përket dasmave dhe ahengjeve, marrja e vendimit për anulimin e tyre nga ministri Arben Vitia sipas juve a është i duhur?
Taulant Bajraliu: Unë jam shumë i zhgënjyer me ketë vendim sepse po të ishim vetëm ne këngëtarët nuk do të ishte problem. Por janë edhe 30.000 këtu, në pyetje janë 30.000 familje që varen nga puna e tyre. Nuk kanë asnjë të ardhur. E kanë bo bujë jo që këngëtarët po ju dhem se po humbin shumë pare por nuk është e vërtetë se ne mundemi dhe 1 sezone edhe 2 pa këndu se kemi rezerva po çka me i bo punëtorit? Më pak fjalë shumë i pa duhur ky vendim, tha këngëtari.
Menjëherë pas marrjes së vendimit nga ministria ai që reagoi ishte këngëtari, Labinot Tahiri, madje ai tha se do organizoi protesta. Leonora Jakupi nuk u pajtua me Labin pasi që sipas saj rrezikohet shëndeti i qyetarëve dhe jo vetëm, mund të vdesin njerëzit nga infektimi me Covid-19-të dhe nuk ka asgjë më më rendësi se sa shëndeti.
Rikujtojmë se Labinot Tahiri ishte deklaruar se nuk ka asnjë virus, është thjesht shpërlarje truri.
