“Fronin” si personi që fiton më shumë të ardhura nga Instagrami e ka marrë Dwayne Johnson, i njohur ndryshe si “The Rock”.
Në listën e Hopper HQ rezulton se ai është i vetmi që fiton 1 milion dollar për një postim, rritje me 15% nga viti i kaluar.
Dwayne Johnson ishte aktori me pagesën më të lartë në Hollywood dhe tani shtohet një tjetër titull që sjell të ardhura të mira në llogarinë e tij.
Johnson ka punuar fort për të marrë pushtetin e Instagramit pasi ka publikuar foto të ushqimeve dhe të trupit plot muskuj.
Në vendin e dytë e mban Kylie Jenner që fiton 986 mijë dollarë për post, të tretin Cristiano Ronaldo me 889 mijë dollarë.
Kim Kardashian mban vendin e katërt me 858 mijë dollarë për post dhe top pesëshen më të paguar nga rrjeti social e plotëson Ariana Grande me 853 mijë dollarë.
