Në ditëlindjen e tij të 60-të, aktori Antonio Banderas njoftoi publikisht se ka rezultuar pozitiv ndaj testit të koronavirusit.
"Përshëndetje të gjithëve, unë dua të bëj publike që sot, 10 gusht, jam i detyruar të festoj ditëlindjen e 60-të duke respektuar karantinën, pasi kam rezultuar pozitiv ndaj sëmundjes së Covid-19. Do të dëshiroja të shtoja se ndihem relativisht mirë, vetëm pak më i lodhur se zakonisht dhe me besim në vete se do të shërohem sa më shpejt të jetë e mundur pas indikacioneve mjekësore që shpresoj se do të më lejojnë të kapërcej infeksionin nga i cili po vuaj dhe që është duke prekur kaq shumë njerëz në të gjithë planetin”, -ka shkruar Banderas, krahas një fotografie të vetes fëmijë.
Ai vazhdoi të shkruante, "Do të përfitoj nga ky izolim për të lexuar, shkruar, pushuar dhe vazhduar të bëj plane për të filluar t'i jap kuptim vitit tim të 60-të, në të cilin kam mbërritur me shumë entuziazëm. Një përqafim i madh për të gjithë".
Banderas është ndër të famshmit e fundit që ka zbuluar se ka rezultuar pozitiv ndaj koronavirusit. Ndërsa rikujtojmë që Tom Hanks dhe bashkëshortja e tij, Rita Willson ishin personazhet e parë të famshëm që e thanë publikisht se ishin infektuar.
