Dy artistët e njohur, Melinda Ademi dhe Gjiko, janë shumë të pëlqyer nga publiku i gjerë.
Dyshja së fundmi kanë bashkuar forcat për të sjellë një bashkëpunim mjaft unik, që ka rezultuar tejet i pëlqyer.
“X5” titullohet projekti muzikor, i cili në më pak se 24 orë ka marrë mbi një milion klikime në platformën YouTube.
Me ngjyra verore, klipi i dyshes ishte realizuar në mënyrë të veçantë, ndërsa shiheshin të veshur me plot stil.
Vlen të përmendet se kjo është hera e parë që Melinda dhe Gjiko kanë sjellë një duet, për të cilin po flitet shumë në rrjete sociale.
Një gjë e tillë është pritur për një kohë të gjatë nga adhuruesit e muzikës së tyre, pasi që të dy janë nën të njëjtin menaxhment.
