Kanë kaluar dy muaj nga vdekja tragjike e Naya Rivera dhe tani zyra e Ekzaminuesit Mjekësor të Qarkut Ventura ka lëshuar raportin e plotë të autopsisë së aktores së ndjerë.
Ish-ylli i “Glee” vdiq më 8 korrik pasi shkoi me varkë në Liqenin Piru me djalin e saj katër vjeçar, Josey. Historia origjinale tha se ajo dhe djali i saj shkuan për të notuar dhe se ajo e ndihmoi atë përsëri për të hipur në anije, por ajo vet kurrë nuk u kthye në anije.
Naya u konfirmua e vdekur më 13 korrik në moshën 33 vjeç pasi trupi i saj u gjet në liqen.
Tani, autoritetet kanë më shumë detaje se çfarë ndodhi në të vërtetë ditën që Naya vdiq.
Burimet e “People” raportojnë se Josey u tha hetuesve se ai dhe Naya numëruan “1, 2, 3” dhe më pas u hodhën nga anija në liqen. Pasi u futën në ujë, Josey thotë se nëna e tij i tha që të hipte përsëri në varkë.
“Ajo e ndihmoi atë në anije dhe pastaj ai më pas dëgjoi nënën e tij të bërtiste, ‘ndihmë’, dhe ajo ngriti dorën e saj lart dhe më pas u zhduk në ujë”,thuhej në raport.
Raporti gjithashtu jep një pasqyrë të shëndetit të Naya dhe mënyrën se si ajo kishte një histori marramendjeje, që gjendja e saj përkeqësohej në ujë.
Naya thuhet se ishte në gjendje të mirë shëndetësore para vdekjes së saj dhe ajo “konsiderohej të ishte një notare e mirë”. Shkaku i saj i vdekjes është mbytja dhe u gjykua si një aksident.
