Këngëtarja me prejardhje shqiptare, Rita Ora, ka treguar së fundmi se i është rikthyer punës për projektet e reja muzikore.
Ditë më parë, ajo publikoi imazhe nga studioja muzikore, ku tregonte se ishte në përfundim e sipër të këngës së saj të re.
Tani ajo ka bërë të ditur se ka nisur xhirimet e klipit, në të cilin duket se do të shfaqet mjaft atraktive.
Këtë e bëri të ditur përmes disa fotografive nga prapaskenat të publikuara në rrjetin social Instagram.
Këngëtarja shqiptare u shfaq me një bluzë transparente, duke marrë kështu vëmendjen me dekoltenë e hapur.
“Rikthyer në xhirime, gjëra të reja po vijnë”, shkroi 29-vjeçarja në mbishkrimin e këtyre imazheve.
Përndryshe, kënga e fundit që ajo solli për fansat ishte balada “How to be lonely”, e publikuar në fillim të këtij viti
