Me kaq shumë udhëtime, takime me njerëz për shkak të punës e profesionit, Robert Berishës i është dashur të jetë shumë i kujdesshëm.
Pasditen e sotme, nga programi “Rudina”, në Tv Klan, ndërsa foli për programin e ri që do nisë së shpejti, tregoi edhe se, fatmirësisht nuk është prekur nga koronavirusi, por për këtë, meritë duket se ka një kurë e veçantë, të cilën ai e ka ndjekur për shkak të kordave të zërit. Para një viti, siç rrëfeu këngëtari, ka pasur probleme me kordat e zërit dhe ka përdorur Dexason dhe Gentamicinë, ilaçe të cilat tani përdoren edhe për trajtimin e Covid-19.
“Që kur kam filluar palestrën, para 10 viteve, dhe trajneri im personal më ka sugjeruar të konsumoj vitaminë C, magnez, kalcium dhe nuk i kam ndërprerë asnjëherë. Kam pasur probleme dhe me kordat e zërit dhe kam përdorur Dexason dhe Gentamicinë. Tash disa mjekë anglezë kanë thënë që kush ka përdorur Dexason dhe Gentamicinë është shumë e mirë, sepse tani po i përdorin dhe për trajtimin e Covid-19”,- tha Roberti duke shtuar se gjatë kësaj periudhe ka qenë edhe i kujdesshëm.
“Ndoshta këto më kanë ndihmuar, por edhe kam pasur shumë kujdes. Që tre muaj në Kosovë, pas orës 22:30 nuk lejohet më qarkullimi dhe mbyllet gjithçka. Dënimi është 200 euro. Në Kosovë gjobitesh edhe nëse je pa maskë, edhe në makinë, nëse s’ke maskë, gjobitesh.”