Të dielën në ambientet e sheshit 21, nga juria profesionale janë përzgjedhur grupi i dytë prej 7 vajzave të cilat kanë siguruar finalen e madhe të ‘Miss Shqiptarja në Botë’.
‘Miss Shqiptarja në Botë’ është event i cili ka filluar javën e kaluar dhe ka zgjuar një interesim të madh të publiku, ky spektakël i cili organizohet nga producenti tashmë me famë ndërkombëtare Ilir Geci ‘Gecjan Fashion Group’ dhe RTV 21, event ky që po transmetohet çdo të diele në televizionin kombëtar 21 në Kosovë dhe në televizionin 21 në Maqedoni.
Këto janë 7 vajzat më fat, të cilat kanë siguruar finalen e madhe: Anita Limani, Feride Dugolli, Sindi Limanaj, Belina Gashi, Fatjeta Dervishi, Dea Haxhiu, Valza Rama. Kujtojmë që tani kanë mbetur edhe 5 javë deri në finalen e madhe të “Miss Shqiptarja në Botë”. Pjesë e jurisë së javës së dytë ishin: Ilir Geci, Kosovare Halimi, Flora Maxharraj, Donika Miftari, Erza Bunjaku, Agon Shala, ndërsa, prezantuese e eventit ishte Nora Fejza.BS.
