Adele padyshim pësoi një transformim të jashtëzakonshëm pas rënies nga pesha dhe duket se ky ndryshim i ka pëlqyer shumë edhe mikes së saj më të mirë, Rihanna.
Kjo e fundit është shprehur se Adele dukej shumë bukur edhe më parë, por tani ka më tepër vetëbesim.
“Adele dukej e jashtëzakonshme përpara transformimit dhe tani duket po njësoj, por mund ta shikoni se sa e lumtur duket”.
“ Është e qartë se transformimin e bëri për veten dhe jo për tërhequr vëmendjen e dikujt tjetër dhe unë jam shumë e lumtur që shoqja ime ka kaq shumë vetëbesim dhe është e kënaqur”, është shprehur Rihanna.
Dy vajzat e famshme kanë gati një dekadë që janë shoqe të ngushta dhe Rihanna ka treguar më herët se ajo ka marrë pjesë në një event në 2012-tën vetëm për të parë Adele.
“Ajo nuk e di se sa thellë e dua. Ajo nuk ja ka idenë. Albumi i fundit 21 më ka prekur shumë”, është shprehur Rihanna disa vite më parë për kolegen e saj.
Tashmë Adele pritet që të publikojë një album të ri, të cilin fansat kanë vite që e presin. E ftuar në një emision para disa javësh ajo u shpreh se projektin e saj madhështor nuk e ka ende gati, por burime pranë këngëtares kanë treguar se Adele është shumë pranë kompletimit të albumit.
