Floarta Sejdiu është një këngëtare, e cila karrierën e saj e nisi si fëmijë.
Ajo ka kënduar rreth viteve 2005-2006, kur ishte shtatë vjeçare dhe paraqitej në festivalet e fëmijëve.
Disa nga këngët e saj të njohur si fëmijë ishin: “Jemi dy motra”, “Kam një mace dhe qenush”, “Daci”, “Në shkollë kur shkova kukullën e harrova”, etj.
Tani ajo është gati për të filluar karrierën e saj si këngëtare e rritur, duke publikuar projektin e saj më të ri muzikor me titull “Se ke ditë”.
Muzika është realizuar nga producenti Cricket, gjersa për tekstin është kujdesur reperi Elinel.
Ndërkohë, klipi është realizuar nga produksioni i njohur kosovar, EnterMedia.
Fansat e dikurshëm kanë shprehur entuziazëm për rikthimin e Floartës në skenën muzikore duke treguar mbështetje të menjëhershëm.
