Miriam Cani ka një urim të veçantë për Vjosa Osmanin.
Këngëtarja e njohur Miriam Cani, zgjodhi një video të bukur për ta uruar Vjosa Osmanin për postin e Presidentes së Kosovës.
Ajo postoi videon ku Osmani shihet bashkë me dy vajzat e saj, duke kënduar këngën “Dhurata”, të Albanit e Miriamit.
Me këtë rast, ajo e uroi Presidenten, duke thënë se kjo është arritje e madhe dhe historike për vajzat shqiptare, që duhet të besojnë se çdo gjë mund të arrihet në jetë.
“Urime zonjes Vjosa Osmani e cila eshte zgjedhur si Presidente e Republikes se Kosoves. Nje tjeter arritje e madhe dhe historike per vajzat dhe grate shqiptare te cilat duhet te frymezohen nga nje ngjarje e tille e te besojne se cdogje mund te arrihet ne jete”, shkruan këngëtarja.
Kujtojmë se projekti “Dhurata” ishte këngë të cilën Miriami dhe Albani ia dedikuan vajzës së tyre, Ameli.