Apple Music dhe Tidal përkrahin Neil Young-un

Mediale Vip

Apple Music dhe Tidal përkrahin Neil Young-un

Më: 28 janar 2022 Në ora: 12:58
Neil Young

Platformat muzikore, Apple Music dhe Tidal, e kanë përkrahur muzikën e Neil Young-ut pasi Spotify hoqi muzikën e tij pas kërkesës së vetë kantautorit.

Më herët gjatë kësaj javeë, Young kërkoi që Spotify ta heqë muzikën e tij nga katalogu duke thënë se kjo kompani “po përhapte informata të rreme për vaksinat” duke e lejuar podkestin, The Joe Rogan Experience.

Kritikat e legjendës kanadeze erdhën pasi qindra shkencëtarë dhe profesionistë mjekësorë kërkuan nga Spotify që t’i adresojnë këto keqinformime që janë dhënë në emisionin e Roganit.

“Ata mund ta kenë ose Roganin, ose Young-un. Jo që të dy”, ka shkruar muzikanti.

Në anën tjetër, TIDAL dhe Apple kanë bërë postime lidhur me rritjen e interesimit të dëgjuesve për këngët e Young-ut që gjenden në platformat e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat