Pasi fituan Eurovizionin, këngëtari i grupit shkon në shtëpi për t’iu bashkuar ushtrisë ukrainase. I jep puthjen e lamtumirës partneres së tij

Mediale Vip

Pasi fituan Eurovizionin, këngëtari i grupit shkon në shtëpi për t’iu bashkuar ushtrisë ukrainase. I jep puthjen e lamtumirës partneres së tij

Më: 15 maj 2022 Në ora: 22:46

Këngëtari i ‘Kalush Orchestra’, i cili fitoi mbrëmë bashkë me grupin e tij Eurovizionin, i ka dhuruar puthjen r lamtumirës të dashurës së tij për t’iu bashkuar vijës së parë në luftën e vazhdueshme të Ukrainës kundër Rusisë.

Oleg Psiuk, drejtuesi i grupit popullor-rap, u fotografua duke përqafuar të dashurën e tij Oleksandra jashtë hotelit të tij në Torino, Itali ditën e sotme, ndërsa ai u largua për të mbrojtur Ukrainën nga presidenti Vladimir Putin .

I veshur me kapelën e tij rozë dhe me një çantë shpine, gjërat e Psiuk u vendosën në një taksi gati për t’u nisur për në aeroport.

Image

Mbrëmë, presidenti Zelensky u zotua të mbajë Eurovizionin në Mariupol vitin e ardhshëm, pasi një mbëshetjeje të madhe nga publiku evropian i cili e shtyu Ukrainën drejt fitores.

Vendi i shkatërruar nga lufta përfundoi me 631 pikë, ndërsa Britania e Madhe përfundoi e dyta me 466 pikë. Spanja përfundoi e treta me 459, ndërsa Suedia e katërta me 438.

Volodymyr Zelensky shpejtoi për të përshëndetur fitoren – dhe madje u zotua të zhvillojë konkursin e vitit të ardhshëm në Mariupol, pavarësisht se qyteti ishte i rrethuar nga forcat ruse.

Ai tha: “Guximi ynë i bën përshtypje botës, muzika jonë pushton Evropën. Vitin e ardhshëm Ukraina do të presë Eurovizionin.

“Për herë të tretë në historinë e saj dhe besoj jo e fundit. Ne do të bëjmë çmos që një ditë të presim pjesëmarrësit dhe të ftuarit e Eurovizionit në Mariupol të Ukrainës. E lirë, paqësore, e rindërtuar”.

“Falënderoj Orkestrën Kalush për këtë fitore dhe të gjithë ata që na dhanë votat tuaja. Jam i sigurt se tingulli i fitores në betejën me armikun nuk është i largët. Lavdi Ukrainës.”- u shpreh Zelensky.

Image

 

Duke folur për fitoren e grupit këtë mbrëmje përmes një konference për shtyp të drejtpërdrejtë, këngëtari Psiuk tha: “Dëshirojmë të falënderojmë të gjithë që votuan për Ukrainën – kjo fitore do të thotë shumë për ne. Kjo fitore do të ngrejë shpirtrat dhe do të çojë në më shumë fitore në të gjitha frontet.’

Psiuk tha gjithashtu se grupi do të festojë fitoren e tyre në Eurovizion ‘pas luftës’, duke shtuar: ‘ Njerëzit po vriten në luftë ose luftojnë në luftë ose humbasin punën e tyre në Ukrainë, nuk është në të vërtetë sfondi më i mirë për festime’.

Ai shtoi: “Kultura jonë është nën sulm. Ne donim t’i prezantonim botës muzikën tonë mbrëmë. E shkrova këngën e Eurovizionit për nënën time para luftës – por më pas, ajo filloi të merrte një kuptim tjetër për njerëz të ndryshëm.

“Po kthehem në shtëpi pasi drejtoj një organizatë vullnetare që ndihmon refugjatët me ushqim, strehim dhe mjekim. Unë do të vazhdoj ta bëj këtë. Ne do të presim Eurovizionin në një Ukrainë të sapondërtuar dhe të lumtur.”

Fituesit e grupit folk-rap Kalush Orkestra dha një interpretim emocional të këngës së tyre Stefania, e cila është bërë një himn lufte për Ukrainën gjatë pushtimit.

Duke marrë trofeun e lakmuar, grupi tha: ‘Faleminderit për mbështetjen e Ukrainës. Kjo fitore është për çdo ukrainas. Slava Ukraina.’

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat