Mes debateve të shumta për ‘Sunny Hill’, Dua Lipa bën dedikimin e veçantë për Dukagjinin: Legjendë absolute

Mediale Vip

Mes debateve të shumta për ‘Sunny Hill’, Dua Lipa bën dedikimin e veçantë për Dukagjinin: Legjendë absolute

Më: 19 qershor 2022 Në ora: 18:19
Dua Lipa, Dukagjini

Mes urimeve të shumta në rrjetet sociale në ‘Ditën e Baballarëve nuk mund të mungonte as ai i Dua Lipës.

“Dita e Baballarëve” nuk është një festë shumë e njohur në vendin tonë, por në shumë vende festohet ashtu si ‘Dita e Nënës’. Kjo fetsë u propozua për herë të parë nga Sonora Dodd në Washington në 1909 dhe në Shtetet e Bashkuara festohet çdo vit të dielën e tretë të qershorit.

E me atë rast këngëtarja me famë botërore ka publikuar në rrjetet sociale një foto të para shumë viteve kur ishte ende fëmijë, teksa Dukagjini e mban në krahë. “Gëzuar ditën e baballarëve legjendë absolute. Të dua!”- ka shkruar ajo krah fotos.

Më pas ka ndarë një tjetër foto krah të atit të shkrepur gjatë pushimeve të vitit të kaluar.

Postimi i Duas vjen mes rrëmujës dhe debateve të shumta që shkaktoi në Shqipëri e Kosovë transferimi i “Sunny Hill” nga Prishtina në Tiranë.  Vetë Dua Lipa ka zgjedhur të heshtë. I vetmi reagim i saj ka qenë repostimi i lajmërimit të faqes zyrtare të “Sunny Hill” në Instagram ku shkruhej rreth ndryshimit të vendndodhjes.

Babai i saj pas letrës publike, ku ia delegonte gjithë fajin qeverisë së Kosovës, nuk i është përgjigjur asnjë aludimi apo pikëpyetjeje tjetër. Duke marrë parasysh përmasat e kësaj çështjeje, pritet që shumë përgjigje të jepen në gusht, kur Festivali të mbahet. Por, deri atëherë, ende shumë gjëra mbeten të paqarta.

commentFirst article
Sot mund të lexoni Shfletoni kopertinat