​Dua Lipa paralajmëron program të ri për kantautorët e rinj të talentuar në Kosovë

Mediale Vip

​Dua Lipa paralajmëron program të ri për kantautorët e rinj të talentuar në Kosovë

Më: 7 gusht 2022 Në ora: 19:16
​Dua Lipa me Musikmakarna, akademinë e kantautorëve në Suedi

Fondacioni SunnyHill është bashkuar me Musikmakarna, akademinë e kantautorëve në Suedi, për të krijuar një program të ri për kantautorët e rinj të talentuar në Kosovë.

Kjo është bërë e ditur nga këngëtarja me famë botërore Dua Lipa përmes një postimi në Facebook.

“Unë shkova në studio sot për të parë se çfarë kanë bërë ata dhe u mahnita nga talenti dhe produktiviteti i seancave brenda vetëm disa ditësh nga fillimi. U ndjeva vërtet e frymëzuar dhe jam shumë e emocionuar që ne vazhdojmë të punojmë së bashku për të parë këtë program të rritet në diçka vërtet të bukur”, ka shkruar Lipa.

Dua Lipa ka ardhur në Kosovë me rastin e edicionit të tretë me radhë të Festivalit Sunny Hill, i cili ka zgjuar interesim jashtëzakonisht të madh dhe gjatë tri netëve të festivalit kanë qenë të pranishëm të rinj nga 60 shtete.

commentFirst article
Sot mund të lexoni Shfletoni kopertinat