Moderatorja Arbana Osmani i është përgjigjur kritikave që mori nga ndjekësit në postimin e saj të fundit në Instagram.
Ajo publikoi një foto-album në Instagram, duke rikujtuar momentet më emocionuese në “Big Brother Vip.” Por ajo që iu ra në sy ndjekësve ishte mungesa e Donald Veshajt dhe Beatrix Ramosajt në postimin e saj. Këto të fundit ishin në qendër të vëmendjes për muaj me radhë për shkak të historisë së dashurisë që nisën në BBV.
Në ndjekës e ka pyetur Arbanën në seksionin e komentve për arysen pse nuk e ka përfshirë Donald Veshajn në postimin e saj, duke shtuar me ironi se: “Ndoshta në foto dalin vetëm ata që kanë raporte të mira me ty!”
Pikërisht këtij komenti moderatorja ka vendosur t’i përgjigjet duke shkruar se fotot që ajo ka postuar janë rastësore.
“Fotot janë rastësore, ato që kisha në këtë celular që kam tani, Po ta vësh re mungojnë shumë konkurrentë të cilët për kontributin dhe emocionet që kanë sjellë në program, i vlerësoj dhe do t’ju jem mirnjohëse gjithmonë. Mos u përpiqni të bëni polemikë aty ku nuk ka”– shkruan Arbana në përgjigjen e saj.
