Sa lekë do hedhin vajzat? Në prag të dasmës, Armina tregon emocionet para ceremonisë

Mediale Vip

Sa lekë do hedhin vajzat? Në prag të dasmës, Armina tregon emocionet para ceremonisë

Më: 22 shtator 2022 Në ora: 09:18
Armina Mevlani

Për pak ditë, Armina Mevlani do t’i japë fund beqarisë. Pas disa vitesh bashkëjetesë, këtë fund shtatori, moderatorja e “Goca dhe Gra” do të lidhet në martesë me Shkëlzen Berishës.

Në fund të episodit të sotëm, Armina rrëfeu emocionet, ndërsa tha se më shumë do të flasë pas dasmës.

Megjithatë, vajzat nuk kursyen komentet plot humor. Jerina e pyeti Dalinën nëse e ka vendosur sa lekë do t’i hedhë Arminës në dasmë.

“Do hedh që të bie në sy, ose nga zarfi ose nga ajo brenda. Do bëj një zarf të madh dhe ta lë aty, se me para na e kalojnë të tjerët”, u përgjigj moderatorja.

Më herët, Mevlani u shpreh se kanë zgjedhur pikërisht muajin shtator pasi i pëlqen vjeshta të dyve dhe ka mohuar se po bën një dasmë për arsye se po pret një fëmijë siç është përfolur.

“Muajin shtator e zgjodhëm për të bërë dasmën sepse na pëlqen vjeshta. Ne nuk e kemi planifikuar dasmën për të pritur një fëmijë. Gjithmonë kam dashur të kem dasmën para fëmijës, dua ta shijoj. Vjehrri im, Sali Berisha është gjithmonë mbështetës dhe ka qenë në rregull me datën e dasmës. Menyja e dasmës do të jetë tradicionale. Në dasmë do të ketë të ftuar më pak se 300 persona, për disa detaje të dasmës më ka ndihmuar shumë edhe kunata, motra e Shkëlzenit, me të cilën kam marrëdhënie fantastike”, tha Mevlani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat