Katy Perry ka një arsye të fortë pse s’dëshiron një dado me kohë të plotë për të bijën

Mediale Vip

Katy Perry ka një arsye të fortë pse s’dëshiron një dado me kohë të plotë për të bijën

Më: 23 shtator 2022 Në ora: 18:49
Katy Perry

Katy Perry nuk dëshiron të punësojë një dado me kohë të plotë për vajzën e saj dhe të Orlando Bloom, Daisy, pavarësisht se është e zënë me karrierën e saj.

"Unë jam duke punuar shumë dhe gjithmonë kam punuar shumë," tha Perry në episodin e së hënës të podcast-it "Smartless". "Unë kam një dado të mrekullueshme, por nuk kam një dado me kohë të plotë, sepse mendoj se nëse do të kisha një dado me kohë të plotë, atëherë nuk do të mund të dija kurrë se si të kujdesesha për vajzën time siç duhet.”

Këngëtarja shpjegoi se sa herë që nuk punon, kalon në “mama me kohë të plotë”.

“Nuk ka rëndësi nëse kam pasur një shfaqje që ka zgjatur deri në orën 23:00 një natë më parë, zgjohem në orën 6 dhe do të shkojmë të hamë mëngjesin,” tha ajo.

Perry tregoi gjithashtu se vajza e saj 2-vjeçare ka filluar të flasë dhe mërzitet kur zbulon se Daisy e vogël po përdor fjalët që këngëtarja nuk e ndihmoi t’i mësonte.

"Ajo është 2 vjeç, kështu që është në pikën ku po thotë fjalë të reja çdo ditë," tha Perry. “Dhe një ditë ajo po thoshte disa fjalë që unë nuk ia mësova, dhe unë mendova: “Oh, kjo nuk është diçka e mirë.”

Ajo gjithashtu foli për partnerin e saj, aktorin Orlando Bloom, duke thënë se ai është babai më i mirë.

Perry dhe Bloom mirëpritën Daisy-n, fëmijën e tyre të parë së bashku, në gusht 2020. Ata janë të fejuar që nga shkurti i 2019-ës, pasi qëdnruan të lidhur për tre vjet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat