Katy Perry ka treguar se defekti i saj në sy gjatë performancës së saj në Las Vegas nuk ishte gjë tjetër veçse një marifet.
“Ju mirëpres të gjithë #flatearthers #spaceisfakers #birdsarentrealers #skyisntbluers që do të vijnë të shohin marifetin e syrit tim në Vegas vitin e ardhshëm! 😜”, ka shkruar ajo në një video të postuar në Instagram të enjten.
Këngëtarja përdori videon virale për të njoftuar se turi i saj në Las Vegas ishte zgjatur me 14 koncerte të tjera.
“Kjo shfaqje është një festë pa ndalesë për të gjetur dashuri të pakushtëzuar dhe çuditërisht (për mua) aspak politike,” tha ajo.
Ylli i popit shprehu më tej se sa e emocionuar ishte për të performuar sërish vitin e ardhshëm.
“Shpresoj të këndoj së bashku me ju në 2023! Dhe ne do të pimë, i keni nga unë,” përfundoi ajo.
Në fillim të kësaj jave, fansat u tronditën dhe u shqetësuan kur një video e publikuar në rrjetet sociale tregonte syrin e saj të djath në dukje duke u hapur dhe mbyllur në mënyrë të pakontrolluar.
“Kjo është e frikshme,” shkroi një person në TikTok, ndërsa një tjetër shkruante, “Roboti i saj duket se ka probleme”.
