Regjisorja kanadeze Jennifer Abbott (69), e njohur edhe si Sarah Steinberg, u gjet e vdekur në shtëpinë e saj në Camden të Londrës.
Pasi ajo ishte e paarritshme për ditë të tëra, mbesa e saj u shqetësua. Fqinjët zbuluan trupin e saj të pajetë më 13 qershor pasi hynë me forcë në apartament, ku gjetën një skenë të tmerrshme që sugjeron se vdekja ishte e dhunshme dhe motivi i vrasjes besohej të ishte grabitja.
Abbott ishte shtrirë në shtratin e saj, e mbështjellë me një batanije, me shirit ngjitës mbi gojë, dhe një orë Rolex e zbukuruar me diamant mungonte nga apartamenti i saj.
Policia arrestoi më 18 qershor një grua 66-vjeçare me dyshimin për vrasje dhe e ka lënë në paraburgim. Një autopsi konfirmoi se shkaku i vdekjes ishte trauma e shumëfishtë me forcë. Detektivi Barry Hart theksoi se hetimi është duke vazhduar, raporton KosovaPress.
