Sot në Vjenë nis zyrtarisht edicioni i "Eurovision 2026`, një nga ngjarjet më të mëdha muzikore në botë, që këtë vit mbledh 35 shtete pjesëmarrëse në një spektakël të madh të muzikës, kulturës dhe performancës skenike.
BBC i ka kushtuar një vëmendje të veçantë këtij edicioni, duke publikuar një udhëzues të detajuar për të gjitha këngët konkurruese.
Në këtë analizë, vlerësim maksimal ka marrë përfaqësuesi i Shqipërisë, Alis, i cili është veçuar për thellësinë artistike, elementet kulturore dhe interpretimin vokal mbresëlënës.
Festivali, që zhvillohet në kryeqytetin austriak, pritet të zgjasë disa ditë, me gjysmëfinalet dhe finalen e madhe që kulmon me shpalljen e fituesit.
