Paçka se është përfolur shpesh për jetën e tij private dhe për historitë e dashurisë, sërish Flori Mumajesi është një nga personazhet më hermetikë.
Epo, sado i fshehtë të jesh, kur “të bie në kokë” për një artist të huaj apo për një këngë, vjen një moment që e ndan me të tjerët, sidomos me fansat.
Producenti i njohur i “Threedots” ka postuar në Instagram një video ku shfaqet videoklipi më i ri i këngëtares shqiptare, Dua Lipa, “New Rules”. Përveçse i ka bërë tag këngëtares, Flori ka shkruajtur:
“My love/Dashuria ime”.
Ta ketë vallë për Duan këtë frazë Flori?
Në fakt, fraza e shkruajtur mbi video është edhe pjesë e tekstit të këngës.
Të themi të drejtën nuk i vëmë aspak faj Florit për këtë, se të gjithë këtë frazë kemi menduar kur kemi parë videoklipin e “New Rules”, i cili u pëlqye menjëherë edhe nga fansat.