E ftuar në “Chaud Patate” këtë të hënë, ishte aktorja dhe këngëtarja e njohur, Laura Nezha.
Ajo u përshtat shumë mirë me energjinë e mëngjesit në Energy Radio, ku ndër të tjera foli dhe për shfaqjen “Darka e lamtumirës”, që po jep këto ditë në teatër dhe shumë gjëra të tjera rreth jetës private.
E pyetur se si është të punojë me dy aktorë humori, si Gaz Paja dhe Visjan Ukcenaj, të cilët dalin çdo javë në ekran, Laura tha:
“Ky është risku sepse publiku mund ti lidh shpesh me figurat që shohin javë për javë në ekran, por kjo absolutisht nuk i bën aktorë jo profesionistë. Përkundrazi, ata kanë studiuar për këtë gjë dhe i kanë vënë vetes si qëllim që të nxjerrin anën më të mirë të tyre, jo vetëm humoristike, ashtu siç e ka përmendur dhe regjisori në prova, por edhe dramatike. Një aktor, nëse gërmon thellë në shpirtin e tij, i gjen të gjitha ngjyrat e emocioneve. Kështu që për mua ka qenë eksperiencë shumë e bukur në fakt.”
Po Laura ka marrë propozime për tu bërë pjesë e spektakleve të humorit?
“Po, nga të gjitha programet e humorit që kemi parë në ekran. Madje, madje dhe për të qenë figurë kryesore femërore aty, sepse ndoshta në atë moment sezoni e kishin pasur të nevojshme dhe kishin menduar për mua. Unë i mendoj mirë zgjedhjet që bëj. Dhe është ai asociimi që përmenda në fillim. Ndoshta, ndoshta unë mendoj se kam nevoj të shprehem mirëfilltazi dhe dua të them që televizioni është mall konsumi. Pa dashur të gjykoj, sepse secili bën zgjedhjet e veta, por mua më tremb kjo gjë. Më tremb komecializimi i tepruar dhe fakti që do të jem javë për jave, çfarë do të prodhoj unë. Kjo më alarmon dhe më duket sikur do më dëmtonte.”
