Shumë personazhe VIP janë larguar nga Shqipëria për të ndërtuar karrierën jashtë vendit, por ata nuk harrojnë traditat shqiptare.
Një gjë e tillë ka ndodhur edhe me modelen e njohur Emina Cunmulaj, e cila ndodhet në Shtetet e Bashkuara të Amerikës, ku është e martuar me një biznesmen të huaj. Çifti ka një vajzë dy vjeçe.
Pavarësisht se vajza e saj ka lindur në SHBA, në asnjë moment nuk harron që ti mësojë asaj gjithçka për origjinën e saj.
Në rrjetin social “Instagram”, Emina publikon video të shumta teksa i flet shqip të bijës. Edhe një ditë më parë, ajo ka postuar në “Instastorie” pamje ku shfaqet vajza e vogël, e cila mban veshur bluzën me flamurin shqiptar.
Gjithashtu në video modelja i flet shqip vajzës së saj, e cila arrin ta kuptojë shumë mirë. Ndërkohë kujtojmë se Emina është në pritje të fëmijë së dytë.
