Këngëtari i njohur, Andrea Bocelli po vazhdon të jetë goxha aktiv me projekte të reja.
Ai ka paralajmëruar bashkëpunimin e radhës me artisten shqiptare me famë botërore, Dua Lipën me këngën “If Only”.
Projektin e bëri të ditur për BBC Radio 2, të hënën teksa postimin më pas e ndau me ndjekësit në Facebook.
Në videon e publikuar në rrjete sociale legjenda e muzikës klasike shfaqet në studio me Duan, zërin e së cilës e ka cilësuar si tejet të veçantë.
Nga ana tjetër, artistja 23 vjeçare nuk po ndalet së publikuari këngë solo pa lënë anash edhe bashkëpunimet me emra të mëdhenj.