Prurjet e reja dhe krijimet më të mira pjesa më e madhe e artistëve ja rezervojnë stinës së verës. Por Besa Kokëdhima sapo “përmbysi” ligjin e pashkruar të këngëtarëve, duke na sjellë detin, rërën, pishinën, rrobet e banjës bashkë me disa ritme kaliente, këtë fund tetori.
“Amor” është kënga më e re e këngëtares Kokëdhima, tingujt e së cilës do të mbushin klubet fundjavave të dëfrimit. Me tekst të ndërthurur në gjuhët spanjisht dhe shqip, duket se Besa ka përdorur trendin e kohëve të fundit për të përthithur pse jo dëgjues nga e gjithë bota.
Këngëtarja vjen me krijimin e ri pas klipit të saj të fundit të publikuar një vit më parë në bashkëpunim me reperin Elinel.
