Aktorja, sot në moshën 73-vjecare, tregon përse u nda nga ylli i madh pas vetëm gjashtë vjetësh martese.
Priscilla Presley, e lindur Beaulieu, e takoi Elvisin kur ishte vetëm 14-vjeç. Ai asokohe ishte me shërbim në ushtrinë amerikane, ndërsa komandanti i tij qëlloi të ishte pikërisht babai i Priscillës. U martuan në 1967-ën dhe u zhvendosën në rezidencën e famshme në Memphis kur ajo ishte vetëm 21-vjeç.
Priscilla tregon se tranzicionin nuk e pati të lehtë aspak dhe jeta me Elvisin nuk ishte ashtu siç dukej. “ Nuk dilnim fare. Nuk donte për shembull të hanim në restorante sepse kishte frikë mos nuk e linin të qetë fansat. Nuk bënim kurrë asgjë bashkë; ai vetë ishte njeri shumë vetmitar. Nuk kishte miq, kishte vetëm një anturazh që e rrethonte për ta shfrytëzuar. Elvisi për ata ishte thjesht biznes“.
Ndërkohë një gjë e çuditshme që ajo tregon dhe që e bezdiste ishte se nuk duhet të shfaqej asnjëherë përpara tij pa make-up dhe e parregulluar. Nuk donte të më shihte ndërsa vishesha, kërkonte vetëm rezultatin final, dhe ai duhet të ishte gjithmonë pa të meta. Nuk kishte substancë, ishte shumë sipërfaqësor, shton ajo, shkruan bord