Enca flet për herë të parë për ndarjen me Noizyn: Ai është mashkull, që...

Mediale Vip

Enca flet për herë të parë për ndarjen me Noizyn: Ai është mashkull, që...

Më: 9 nëntor 2018 Në ora: 18:20
Noizy dhe Enca

Noizy dhe Enca ishin dikur miq të ngushtë dhe dy figurat kryesore të grupit “OTR”, që ka për lider reperin e njohur shqiptar.

Por ndarja e tyre erdhi si një rrufe në qiell të hapur dhe sot ata nuk flasin me njëri tjetrin, madje sa herë që gjejnë mundësinë thumbojnë njëri-tjetrin në distancë

Gjithsesi mendohet se prishja e marrëdhënieve mes tyre erdhi, për shkak se në një intervistë televizive këngëtarja, u shpreh se suksesin e karrierës e ka nisur e vetme.

Kjo gjë nuk u përtyp nga Noizy, i cili vazhdimisht ka pretenduar se ka qenë ai njeriu që e bëri Encën një këngëtare.

Madje ka kujtuar në çdo rast se si Enca, i shkonte te studio dhe i kërkonte që ta mbështeste, në një kohë që askush nuk ia hidhte sytë.

Por pas ndarjes, vendin e miqësisë mes tyre e zuri armiqësia, aq sa nuk mungojnë deklaratat tendencioze me qëllim për të fyer apo ulur imazhin e njëri-tjetrit.

Së fundmi Enca ishte e ftuar në një emision në televizionet e Kosovës të titulluar “NIN, ku ka folur hapur për shumë çështje të jetës së saj profesionale, por edhe personale.

Ndër të tjera në tavolinë u shtrua edhe pyetja për mosmarrëveshjet me Noizy, por Enca preferon të përgjigjet shkurt: “Mashkulli ka shumë ego dhe meshkujt në përgjithësi nuk do donin të ishin me një femër, që fiton më shumë se ai”.

Pra arsyeja pse Enca dhe Noizy janë zënë është çështje fitimesh? Në fakt vështirë të jetë e vërtetë që Enca fiton më shumë se sa reperi, pasi ky i fundit është absolutisht këngëtari shqiptar më i kërkuar në treg prej vitesh dhe sigurisht edhe më i paguari. Por mendohet që Enca e përdori këtë përgjigje për të rritur vlerat e vetes.

commentFirst article
Sot mund të lexoni Shfletoni kopertinat