Këngëtarja e njohur e ka pranuar: Mora shumë kokainë dhe tentova të vetëvritesha

Mediale Vip

Këngëtarja e njohur e ka pranuar: Mora shumë kokainë dhe tentova të vetëvritesha

Më: 18 nëntor 2018 Në ora: 20:26
Mel B

Këngëtarja e njohur, Mel B, ka pranuar se ka marrë nga gjashtë “vija” kokainë një nga ditët kur ishte e angazhuar në spektaklin ‘X Factor’, në mënyrë që t’i mbijetonte lidhjes me burrin e saj, Stephen Belafonte.

Në librin e saj autobiografik, “Brutally Honest”, këngëtarja e “Spice Girls” ka treguar edhe për përpjekjen e saj për t’u vetëvrarë, duke marrë 200 tableta kundër dhimbjes në vitin 2014.

Mel B

Kjo kishte ndodhur në natën, kur e kishin zëvendësuar në gjysmëfinale të ‘X Factor’, ndërsa vetëm një natë më pas, ajo ishte paraqitur sërish në jurinë e këtij spektakli për talentet.

Shenjat e tentativës  së vetëvrasjes ishin vërejtur qartë, por 43-vjeçarja asokohe kishte thënë se ishte infektuar me një virus.

Në librin e kujtimeve të saj, Mel B ka pranuar se ditën e kishte nisur, duke marrë kokainë.

Mel B

“Isha një person i pikëlluar dhe patetik. Isha jashtë kontrolli. Ditën merrja pesë-gjashtë vija, para dhe pas punës”.

“Kjo gjë ma zbuste dhimbjen. Më bënte mjaftueshëm të gatshme dhe më bënte të harroj gjithçka, përveç spektaklit”.

Stephen Belafonte dhe Mel B

“Isha aq keq, saqë dy javë pas xhirimit të ‘X Factor’ fillova të merrja kokainë, në mënyrë që të isha e qëndrueshme. Që t’i mbijetoja jetës edhe me Stephenin, që ishte si një klaustrofobi neurotike”, ka rrëfyer Melanie Brown.

Mel B ka thënë se ish-burri i saj e kishte bërë të ndihej e shëmtuar dhe e padëshiruar, dhe se ai mbante xhirime të shumta seksuale me të.

Asokohe ajo ua kishte shkruar një letër vajzave të saj dhe i kishte pirë tabletat, mirëpo ndërsa ishte akoma e vetëdijshme, kishte shkuar në spital, ku e kishte humbur vetëdijen në hyrje dhe ishte rrëzuar me fytyrë.

Mjekët e kishin këshilluar të qëndronte në spital, sepse mëlçia dhe veshkat nuk ishin në rregull, mirëpo ajo vendosi menjëherë të kthehej në spektakël.

commentFirst article
Sot mund të lexoni Shfletoni kopertinat