Alban Skënderaj është një ndër këngëtarët e kantautorët më të mirë që ka vendi ynë. Por duket se në familjen e këngëtarit, edhe i vëllai Arbëri qenka po ashtu një artist i talentuar, edhe pse ka zgjedhur të bëjë një tjetër profesion në jetë, duke e patur këngën thjesht pasion.
E ku ka arsye më të fortë se t’i kushtosh një këngë nënës që nuk jeton më. Duket se kjo e ka shtyrë vëllain e madh të Albanit për të publikuar këngën “Brilla”.
Nëpërmjet një telefonate në “Wake Up” në Top Channel ai rrëfeu se kjo këngë i është kushtuar nënës së larguar nga jeta një vit e gjysmë më parë. Më tej Skënderaj tha se nuk ka ndërmend të shkëputet më nga kënga dhe një bashkëpunim me të vëllain Albanin ai nuk e ka përjashtuar aspak.
