Dëshmitari shqiptar tregon si i shpëtoi sulmit në Mynih - Bota Sot
Dëshmitari shqiptar tregon si i shpëtoi sulmit në Mynih

Aktuale

Dëshmitari shqiptar tregon si i shpëtoi sulmit në Mynih

Më: 23 korrik 2016 Në ora: 09:15
Pamje nga Mynih

Një prej personave të shumtë që ndodheshin në qendrën tregtare në Mynih ku ndodhi ngjarja e tmerrshme, ishte edhe shqiptari nga Kosova Luan Zeqiri, i cili fatmirësisht i ka shpëtuar sulmit.

Si dëshmitar i kësaj ngjarje, ku deri tani janë konfirmuar 9 viktima dhe shumë të plagosur, Zeqiri ka treguar momentet e tmerrit që përjetoi për mediat gjermane n-TV, ndërsa citohet edhe nga BBC.

Ai është shprehur se ka parë vetëm një agresor, teksa ka qëlluar me armë mbi 2 persona të cilët po ngjisnin shkallët. Shqiptari Luan Zeqiri tregon se i shpëtoi sulmit duke u fshehur në një dyqan. Ai thotë se ka parë të shtrirë në tokë persona të vdekur e të tjerë të plagosur.

Policia bavareze bëri të ditur se dëshmitarë kanë informuar përmes telefonit se kanë parë 3 agresorë të armatosur në rrugët përreth vendngjarjes, të cilët iu drejtuan fillimisht qendrës tregtare e më pas janë larguar për nga stacioni i metrosë. Ata janë ende në arrati, ndërsa ka raportime se njëri prej tyre është vetëvrarë.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...