Bahtiri: Dëshmorët luftuan për bashkim e jo për ndryshim kufijsh - Bota Sot
Bahtiri: Dëshmorët luftuan për bashkim e jo për ndryshim kufijsh

Mitrovica

Bahtiri: Dëshmorët luftuan për bashkim e jo për ndryshim kufijsh

Më: 20 janar 2019 Në ora: 15:33
Foto ilustrim

Nën përkujdesjen e kryeparlamentarit të Kosovës, Kadri Veseli, sot në Mitrovicë u mbajt akademi përkujtimore kushtuar dëshmorëve të kombit, Sami Gashi dhe Afrim Hajrizi.

I pranishëm ishte edhe zëvendëskryeministri i Kosovës, Enver Hoxhaj, i cili tha se sakrifica e dëshmorëve dhe lufta e UÇK-së, krijuan një shtet të dytë në Ballkan.

“20 janari është një ngjarje e veçantë për Mitrovicën por edhe për mbarë Kosovën, për të gjithë ata që bukës i thonë bukë e ujit ujë. Vepra e këtyre dy dashnorëve është shembulli më i mirë që sa e gjatë dhe e vështirë ka qenë rruga drejt lirisë. Shumë popuj kanë bërë sakrificë për lirinë e tyre por rrallë ka sikur lufta e UÇK-së, e cila krijoi një shtet të dytë në Ballkan dhe ndryshoi botën”, ka thënë Hoxhaj.

Kurse, kryetari i Mitrovicës, Agim Bahtiri ka thënë se dëshmorët luftuan për bashkim, e jo për ndarje kufijsh.

“Gjaku i derdhur i dëshmorëve ka bërë që ne sot të jetojmë në liri. Por këta burra nuk luftuan për ndryshim kufijsh dhe ndarje të Mitrovicës. Sot o kurrë duhet të bashkohemi që t’i dalim zot atdheut”, ka thënë Bahtiri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...