Kryetari i Komunës së Mitrovicës, Agim Bahtiri e ka mirëpritur votimin pro të draft-statutit të “Trepçës”, nga deputetët e Kuvendit të Kosovës.
Ai përmes një postimi në Facebook, ka shkruar se kjo ndërmarrje i hap mundësi të reja zhvillimore Mitrovicës dhe gjithë Kosovës.
Postimi i plotë:
Me miratimin e mbrëmshëm të Statutit të "Trepçës" si shoqëri aksionare nga Kuvendi i Kosovës, kjo ndërmarrje i hap mundësi të reja zhvillimore Mitrovicës dhe gjithë Kosovës.
Falënderoj deputetët e Kuvendit të Kosovës për këtë vendim të duhur dhe ministrin e MZhE-së, Valdrin Lluka, i cili ka dhënë një kontribut të madh për gjigantin ekonomik të Kosovës.
Prej ardhjes time në Kosovë në vitin 2013, se bashku me presidentin e AKR-së, Behgjet Pacolli, e kemi pasur prioritet kryesor të punës tonë ngritjen e "Trepçës", e cila nga sot e tutje do të filloj fazën zhvillimore dhe kthimin e namit të dikurshëm, sepse tash mundësohet regjistrimi i saj si Shoqëri Aksionare, kompletimi i Bordit Mbikqyrës, zgjedhja dhe emërimi i Bordit Menaxhues dhe kryesorja që është fillimi i investimeve.
Urime minatorë!
Urime Mitrovicë!
Urime Kosovë!
AB