Policia tërhiqet nga Mitrovica, dështon aksioni i bastisjes së kazinove - Bota Sot
Policia tërhiqet nga Mitrovica, dështon aksioni i bastisjes së kazinove

Mitrovica

Policia tërhiqet nga Mitrovica, dështon aksioni i bastisjes së kazinove

Më: 22 mars 2019 Në ora: 18:08
Pamje nga aksioni i policisë

Policia e Kosovës ka konfiskuar sot rreth orës 16:00 aparate të lojërave të fatit nga kazino ‘Brazil’ në veri të Mitrovicës, por jo edhe nga kazinotë tjera që ndodhen në atë pjesë të qytetit.

Kazinotë ‘Milenium’, ‘Arena’ dhe ‘Mimi Bet’ të cilat ndodhen në rrugën ‘Ivo Lola Ribar’ në veri të Mitrovicës, nuk janë hapur sot gjatë tërë ditës, ndërsa dhjetëra qytetarë janë tubuar para këtyre kazinove, duke penguar kështu hyrjen me forcë të policisë në këto lokale. 

Lokale të tilla ka edhe në pjesë tjera të këtij qyteti, por që nuk janë hapur sot fare. Situata ka qenë e tensionuar përreth një orë, derisa pjesëtarët e policisë janë tërhequr, e pas tyre edhe qytetarët. Burime të Kp nga veriu kanë bërë të ditur se tërheqja e policisë është bërë për shkak të mos ngritjes së tensioneve me qytetarët, ndërsa aksioni për konfiskimin e pajisjeve nga këto lokale do të realizohet gjatë orëve të natës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...