Në 20 vjetorin e rënies u nderua profesor Latif Berisha - Bota Sot
Në 20 vjetorin e rënies u nderua profesor Latif Berisha

Mitrovica

Në 20 vjetorin e rënies u nderua profesor Latif Berisha

Nga: Hysni Syla Më: 24 mars 2019 Në ora: 16:09
Pamje nga homazhet

Në 20 vjetorin e ekzekutimit  nga policia kriminale serbe të personalitetit më emblematik të qytetit të Mitrovicës, Latif Berisha, prijës i shkëlqyeshëm, dijetar, atdhetar,poet e intelektual i jashtëzakonshëm, Kryesia e Degës së LDK-së në Mitrovicë, me në krye kryetarin Safet Kamberi, ka vendos kurora lulesh të freskëta mbi varrin e të ndjerit, në vendlindjen e tij në Smrekonicë të Vushtrrisë, ku prehen  eshtrat e tij.

Kurora me lule të freskëta kane vendosur eddhe Ismet Beqiri, në emër të Kryesisë së LDK-së, Xhafer Tahiri, kryetar i Komunës së Vushtrrisë, familjarë të Heroit Berisha  dhe shumë përfaqësues të institucioneve  e të subjekteve të tjera.

Sekretari i LDK-së, Ismet Beqiri, në fjalën e tij të rastit vlerësoi lartë figurën e poetit e intelektualit të spikatur, Latif Berisha, duke thënë se ai dhe bashkëpunëtori i tij i ngushte,sindikalisti i njohur mitrovicas, Agim Hajrizi, punuan  shumë dhe me përkushtim të jashtëzakonshëm por të mirën e Kosovës dhe ardhmërinë e saj.

“Profesor Latif Berisha, ishte kryetar i Degës së LDK-së në Mitrovicë dhe njëri ndër bashkëpunëtorët më të ngusht të kryetarit Ibrahim Rugova. Ai, përveç se ishte kryetar i Degës së LDK-së në Mitrovicë, ishte edhe bartës dhe organizatori kryesore i të gjitha aktiviteteve që zhvilloheshin në qytetin buzë Ibrit, për mbijetesën e shqiptarëve që po shtypeshin nga okupatori dhe për kundërshtimin e politikës serbe”, tha ndër të tjera Ismet Beqiri.

Profesor Latif Berisha,ishte intelektuali i parë shqiptarë, që forcat  kriminale serbe e ekzekutuan menjëherë pas fillimit të bombardimeve të NATO-së mbi caqet serbe më 24 mars të vitit 1999. Kjo nuk ishte e rastit. Pushtuesi serb kishte parasysh kundërshtimin e fuqishëm të politikës fashiste serbe që bënin shqiptarët e Mitrovicës nën drejtimin e profesor Latif Berisha, andaj edhe e ekzekutuan në shtëpinë tij dhe në prani të familjes, në pjesën veriore të qytetit, ku ai po banonte.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...