Gruaja që dyshohet se u plagos nga burri në Mitrovicë, në gjendje stabile - Bota Sot
Gruaja që dyshohet se u plagos nga burri në Mitrovicë, në gjendje stabile

Mitrovica

Gruaja që dyshohet se u plagos nga burri në Mitrovicë, në gjendje stabile

Më: 5 prill 2019 Në ora: 23:47
Foto ilustrim

Një grua është plagosur sot në Shipol të Mitrovicës, pasi drejtë saj ka shtënë me pistoletë i dyshuari R.F që thuhet të jetë bashkëshorti i saj.

Viktima pas lëndimeve të marra është dërguar për trajtim mjekësor në Qendrën Emergjente në Spitalin Regjional të Mitrovicës.

Drejtori në Spitalin e Mitrovicës, Zahir Musa, ka thënë se pacientja tani është në gjendje më të mirë shëndetësore.

“Rreth orës 13:58 në Qendrën Emergjente të Spitalit Rajonal të Mitrovicës ka arrit pacientja e gjinisë femërore, e lindur në vitin 1991”.

“Pacientja ka plagë shpuese dhe lëndime në të dy këmbët, ato plagë nuk kanë qenë plagë të rrezikshme, është ndal gjakderdhja e plagëve”.

“Tani për tani pacientja është e shtrirë në repartin e Ortopedisë, para 20 minutave isha ta vizitojë, gjendja ishte stabile, bënte lëvizje të këmbës dhe të gjurit”.

“Krejt çka ka nevojë pacientes iu është ofruar nga stafi i spitalit të Mitrovicës”, tha Musa.

Prokuroria Themelore në Mitrovicë ka njoftuar se i ka caktuar masën e ndalimit prej 48 orësh, të dyshuarit R.F, për shkak të dyshimit të bazuar për kryerjen e veprave penale “Vrasje e rëndë në tentative” ,“Mbajtja në pronësi, kontroll ose posedim të paautorizuar të armëve”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...