Kryetari i Kuvendit të Kosovës, Kadri Veseli, sot ka vizituar familjen e dëshmorit të kombit, Driton Veliu, në Mitrovicë, përcjell “Bota sot”.
Këtë e ka bërë të ditur përmes një postimi në Facebook, ku ka shkruar se, vizitat në familjet e heronjve të kombit janë momente frymëzimi që të vazhdojmë pa u ndalur në rrugën e fuqizimit të shtetit tonë
Postimi i plotë:
Sot isha në Mitrovicë dhe vizitova familjen e Driton Veliut, dëshmor i kombit dhe bashkëluftëtar i dëshmorit Artim Jashari. Vizitat në familjet e heronjve të kombit janë momente frymëzimi që të vazhdojmë pa u ndalur në rrugën e fuqizimit të shtetit tonë, dhe ndërtimin e të ardhmes së sigurtë për gjeneratat e reja.