Është gjetur vajza e mitur nga Mitrovica e cila u raportua si e zhdukur rreth dy ditë më parë. Viktimën e ka gjetur babai i saj, ndërsa në polici ai ka thënë se e bija i është sulmuar seksualisht.
Policia përmes raportit 24 orësh njofton se vajza është sjellur në stacionin policor nga baabi i saj, gjatë ditës së djeshme.
“Ankuesi mashkull K-Shqiptar ka raportuar se viktima (e mitur), me datën e lartcekur ka dalë nga shtëpia dhe me 14 .01.2020 vajza është gjetur nga prindi i saj dhe është sjell në stacion policor. Lidhur me rastin është njoftuar Qendra për Pune Sociale”, thuhet në raportin e policisë.
Ndryshe, personi në fjalë para dy ditësh kishte raportuar në polici se vajza e tij ka dalur nga shtëpia rreth orës 06:00 dhe nuk është kthyer më.
“Një mashkull K/Shqiptar ka raportuar se vajza e tij është larguar nga shtëpia dhe nuk kanë njohuri për vendndodhjen e saj”, u tha nga policia.
