​Veri, edhe tre persona të infektuar me COVID-19 - Bota Sot
​Veri, edhe tre persona të infektuar me COVID-19

Mitrovica

​Veri, edhe tre persona të infektuar me COVID-19

Më: 17 prill 2020 Në ora: 14:04
Ilustrim

Në veri të Kosovës janë shënuar edhe tre raste të reja me koronavirus, që çon numrin e përgjithshëm të të infektuarve në 71 persona, ka bërë të ditur Desanka Maksimoviq, epidemiologe, gjatë konferencës për media të shtabit të krizës që u mbajt sot në veri të Mitrovicës.

Sipas saj, bëhet fjalë për dy persona nga veriu i Mitrovicës dhe një person nga Leposaviqi.

Novakoviq: Pavarësisht festave, qytetarët të qëndrojnë në shtëpi

“Kemi tre raste të reja të të infektuarve…Nga fillimi dhe deri ditën e djeshme janë testuar mostrat e 584 personave, nga të cilat kemi 72 të infektuar…Nëpër komuna situata është si vijon, Mitrovicë gjithsej 31 persona, një i vdekur dhe katër të shëruar, Zveqan 18, Leposaviq 9, një i vdekur, Zubin Potok 13 dhe Graçanicë një person”, ka thënë Novakoviq.

Ajo shtoi se nuk e dinë saktë numrin e burimeve të infeks ionit, por tha se janë disa, gjë që e konfirmon numri i të infektuarve në këtë moment, ndërsa ka porositur qytetarët të qëndrojnë nëpër shtëpitë e tyre dhe t’i përmbahen rekomandimeve të institucioneve shëndetësore, pavarësisht festave ortodokse të cilat janë ditët në vijim.

Në anën tjetër, Aleksandar Spiriq, nënkryetar i komunës së veriut të Mitrovicës, ka bërë të ditur se numri i të infektuarve dëshmon se qytetarët nuk guxojnë të relaksohen së tepërmi dhe të dalin nga shtëpitë e tyre panevojë.

Ai potencoi se organet komunale janë të vendosura më shumë se kurrë që të luftojnë për mbrojtjen e shëndetit të secilit qytetar, pavarësisht përkatësisë etnike.

Spiriq: Nuk guxojmë të relaksohemi tepër

“Mitrovica numëron gjithsej 31 të infektuar, prej të cilëve dy raste vetëm gjatë ditës së sotme, që është tregues I qartë se nuk guxojmë të relaksohemi tepër, dhe të dali m pa nevojë në qytet…Vendosmëria jonë është që të luftojmë për jetën dhe shëndetin e secilit njeri, pavarësisht përkatësisë fetare dhe moshës”, theksoi Spiriq.

Ai ka përsëritur nevojën e qëndrimit në shtëpi, sepse siç u shpreh ai, ‘po hyjmë në javën e katërt të epidemisë, e cila është shumë e rëndësishme për qytetarët. 

Shfaq komentet
comments powered by Disqus
Sot mund të lexoni Shfletoni kopertinat