Drejtori për Bujqësi dhe Zhvillim Rural, Ekrem Sadiku, sot ka nënshkruar kontratat me 19 fermerë tjerë përfitues të mekanizmit bujqësor, ku 4 prej tyre kanë përfituar rotofreza 2.0 metra gjerësi, 5 prej tyre spërkatëse gruri dhe 10 mbledhëse bari.
Nga ky projekt Komuna e Mitrovicës ka mbështetur gjithsej 45 fermerë, por që për shkak të pandemisë ky numri i fermerëve ka mbetur për të nënshkruar kontratat gjatë ditës së sotme.
Me rastin e nënshkrimit të këtyre kontratave, drejtori Sadiku, ka uruar fermerët përfitues, duke potencuar që do të vazhdoj edhe më tutje që të përkrah sektorin e bujqësisë.
Dhe vlen të potencohet se ky projekt ka kushtuar rreth 30 mijë euro, ku komuna ka participuar me 70 për qind, ndërsa fermeri 30 për qind.