Hamza premton investime në bujqësinë, blegtorinë dhe turizmin e Mitrovicës

Mitrovica

Hamza premton investime në bujqësinë, blegtorinë dhe turizmin e Mitrovicës

Më: 6 tetor 2021 Në ora: 18:35
Bedri Hamza

Kandidati për kryetar të Mitrovicës nga radhët e PDK-së, Bedri Hamza, sot ka vizituar blegtorin Jonuz Abazi në fshatin Kutllovc.

Hamza ka bërë të ditur se do të ndërtojë pika për grumbullimin e qumështit dhe do t’i rrisë subvencionet për bujqësinë dhe blegtorinë.

”Blegtori Jonuz Abazi është punëtor i dalluar në fshatin Kutlloc. Me të ardhurat që i siguron nga ferma e dhive, ai e mban familjen e tij. Shumë fermerë, pa u dalë kurrë në ndihmë Komuna e Mitrovicës, çdo ditë përballen me vështirësi të shumta. Ne do të ndërtojmë pika për grumbullimin e qumështit dhe do t’i rrisim subvencionet për bujqësinë dhe blegtorinë.

Por, kurdo që fermerët kanë nevojë të marrin kredi, atyre do ua subvencionojmë edhe interesin kreditor. Bukuritë e fshatrave dhe resurset e Mitrovicës vazhdojnë të jenë mundësi të pashfrytëzuara. Ne do të investojmë në zhvillimin e bujqësisë, blegtorisë, agroturizmit dhe turizmit malor. Bashkë për Mitrovicën!”, ka shkruar Hamza.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat