Aktakuzë për të dyshuarin për vrasjen në Tregun e Gjelbërt

Mitrovica

Aktakuzë për të dyshuarin për vrasjen në Tregun e Gjelbërt

Më: 29 tetor 2021 Në ora: 16:41
Mitrovicë

Prokuroria Themelore në Mitrovicë ka ngritur aktakuzë për Sh.A sepse i njëjti kishte vrarë  me dashje të ndjerin V.F. Rasti ka ndodhur te Tregu i Gjelbërt në Mitrovicë më 17 prill të këtij viti.

“Prokuroria njofton opinionin se me datë 17 prill 2021, rreth orës 12 e 40 minuta në brendi të Tregut të Gjelbër në Mitrovicë, i pandehuri me dashje ka privuar nga jeta të ndjerin V.F., në atë mënyrë që pas një fjalosje verbale lidhur me rritjen e fidanit të fikut vije deri tek konflikti fizik, ku së pari i ndjeri e godet me gërshërë të pandehurin në kokë dhe i shkakton plagë shqyese në regjionin e kokës, ndërkaq i pandehuri Sh.A., nxjerr revolen dhe e godet viktimën i cili ndërron jetë si pasojë e dëmtimeve të marra.”, thuhej në njoftimin e Prokurorisë.

Tutje bëhej e ditur se si pasojë e të shtënave të të pandehurit janë plagosur edhe L.F., si dhe kalimtari i rastit A.A.

“Prokuroria Themelore në Mitrovicë – Departamenti i Krimeve të Rënda, ka ngritur aktakuzë, në Gjykatën Themelore në Mitrovicë, kundër të pandehurit Sh.A., në drejtim të veprës penale “Vrasja e rëndë”, nga neni 173 paragrafi 1 pika 1.5 të Kodit Penal të Republikës së Kosovës (KPRK).”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat