​Grevë njëorëshe e mësimdhënësve edhe në Mitrovicë

Mitrovica

​Grevë njëorëshe e mësimdhënësve edhe në Mitrovicë

Më: 12 maj 2022 Në ora: 10:15
Foto ilustrim

Rreth 1200 punëtorë nga gjithsej 34 institucione arsimore në komunën e Mitrovicës, i janë përgjigjur sot grevës një orëshe të organizuar nga SBASHK-u.

Isa Ismajli, kryetar i Sindikatës komunale të arsimit në Mitrovicë, ka bërë të ditur për KosovaPress, se greva është respektuar në të gjitha shkollat dhe se nuk ka pasur asnjë kundërshtim, qoftë nga ana e drejtorëve, arsimtarëve apo edhe vetë prindërve.

Ismajli: Greva është respektuar në të gjitha shkollat

Sipas informatave që kam nga shoqatat sindikale në të gjitha shkollat është respektuar greva njëorëshe, duke filluar nga ndërrimi i parë sipas orarit mësimor që kanë shkollat…Në asnjë shkollë nuk kemi pasur asnjë kundërshtim, as nga ana e drejtorëve, as nga ana e prindërve”, ka thënë Ismajli.

Ndryshe, mësimdhënësit sot kanë grevuar për një orë në mbarë vendin, duke iu përgjigjur kështu thirrjes së SBASHK-ut, ndërsa po kërkojnë 100 euro shtesë në paga deri në miratimin e Ligjit të pagave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat