Hamza priti në takim Ministren Arbërie Nagavci

Mitrovica

Hamza priti në takim Ministren Arbërie Nagavci

Më: 23 gusht 2022 Në ora: 16:29
Arbërie Nagavci dhe Bedri Hamza

Kryetari i komunës, Bedri Hamza, së bashku me drejtoreshën për Arsim në Komunën e Mitrovicës, Drita Kadriu, ka pritur në takim Ministren e Arsimit, Shkencës, Teknologjisë dhe Inovacionit, Arbërie Nagavci.

Gjatë këtij takimi është biseduar për përgatitjet e fillimit të vitit të ri shkollor dhe politikat e reja në sektorin e arsimit.

Me këtë rast, kryetari Hamza njoftoi ministren Nagavci lidhur me përgatitjet e bëra për fillimin e vitit të ri duke shtuar se Komuna e Mitrovicës prioritet ka fushën e arsimit, ku investimet kapitale në buxhetin e vitit 2022 në këtë fushë janë rritur krahasuar me vitet paraprake.

“Janë pesë shkolla në Komunën e Mitrovicës që i janë nënshtruar procesit të renovimit, si Shfmu "Eqrem Çabej”, "Elena Gjika", "Skënderbeu", Shkolla e Mesme Ekonomike "Hasan Prishtina", Shkolla e Mesme Teknike "Arkitekt Sinani", kopshti i fëmijëve "Gëzimi Ynë”, ka theksuar kryetari Hamza.

Kurse, ministrja Nagavci njoftoi për politikat e reja të arsimit të hartuara nga Qeveria e Kosovës, ligjin e pagave, investimet në përmirësimin e infrastrukturës shkollore, licencimin e mësimdhënësve dhe masat që janë ndërmarrë për përmirësimin e cilësisë në shkolla.

Kryetari Hamza dhe ministria Nagavci u dakorduan për thellim të bashkëpunimit institucional, me qëllim të përmirësimit të gjendjes në sektorin e arsimit.

Ndërsa gjatë takimit të kryetarit Hamza dhe ministres Nagavci me drejtorë të shkollave dhe mësimdhënës u diskutua lidhur me infrastrukturën shkollore, ligjin e pagave, rritjen e stafit mbështetës dhe kushtet e punës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat