Shqiptarë e serbë që jetojnë në Mitrovicë, kanë mendime të ndryshme për mundësinë e bashkimit të qytetit dhe bashkëjetesës. Fati i këtij qyteti dhe banorëve, sipas tyre, varet nga veprimet politike.
Mitrovica, qyteti që sot gjallon i ndarë, shihet në mënyra të ndryshme nga qytetarët serbë dhe shqiptarë sa i përket bashkëjetesës dhe integrimit të këtij qyteti.
Disa prej tyre parashohin bashkëjetesë dhe bashkim të Mitrovicës gjatë këtij viti, të tjerët nuk mendojnë se një gjë e tillë do të ndodhë.
