Një punëtor është lënduar rëndë teksa ishte duke punuar në një punishte betoni.
Rasti ka ndodhur sot pasdite në fshatin Shupkovc të Mitrovicës.
Rastin për KALLXO.com e ka konfirmuar edhe Policia.
Zëdhënësi i Policisë për Rajonin e Mitrovicës, Avni Zahiti, tha për KALLXO.com se dyshimet e para janë se viktima është lënduar nga një vinç.
“Në orët e pasdites është raportua se një person i lënduar ka kërkuar ndihmë mjekësore në Spitalin Rajonal në Mitrovicë. Personi ishte lënduar në vendin e punës në një firmë të betonit. I lënduari është dërguar më pas në QKUK”, tha Zahiti.
Zëdhënësi i Policisë tregoi se rasti po trajtohet si shkaktim i rrezikut të përgjithshëm.
Lidhur me këtë rast Policia ka intervistuar disa punëtorë të tjerë në atë punishte.