Agim Bahtiri shkarkon drejtorin Musa Dragaj, në vend të tij emëron nipin e vet - Bota Sot
Agim Bahtiri shkarkon drejtorin Musa Dragaj, në vend të tij emëron nipin e vet

Mitrovica

E martë, 23 tetor 2018

Agim Bahtiri shkarkon drejtorin Musa Dragaj, në vend të tij emëron nipin e vet

Më: 24 korrik 2018 Në ora: 20:25
Agim Bahtiri, AKR, Mitrovicë

Kryetari i Komunës së Mitrovicës, Agim Bahtiri, ka shkarkuar nga pozita drejtorin e Drejtorisë për Mbrojtje dhe Shpëtim, Musa Dragaj.

Drejtori tashmë i shkarkuar, ka treguar se shkarkimi i tij ka ndodhur para tri javësh.

Arsyet e shkarkimit Dragaj thotë se nuk i di.

“Për çka jam shkarku nuk e di as vetë, sepse nuk kam pasë rast kurrkush me më tregu pse jam shkarku”, thotë Musa Dragaj.

Dragaj tregon se vendimi i është dërguar pasi është kthyer nga pushimi.

“Në vendim shkruan që vetëm në bazë të kompetencave të kryetarit shkarkohet nga detyra e drejtorit për Emergjenca, dhe nuk ka asnjë arsyetim”, shtoi Musa Dragaj.

Emri i drejtorit Musa Dragaj është hequr edhe nga web-faqja e Komunës së Mitrovicës.

Ndërsa, në vend të Musa Dragajt, kryetari i Mitrovicës së Jugut është kujdesur ta emërojë nipin e tij, djalin e vëllait.

Kallxo ka bërë përpjekje dje dhe sot të marrë një prononcim nga kryetari Agim Bahtiri lidhur me arsyen e shkarkimit të Musa Dragajt dhe zëvendësimin e tij me nipin e tij, Nehat Bahtirin.

Të hënën, porsa ka kuptuar që është kontaktuar Agim Bahtiri e ka mbyllur telefonin. E sot, ai i ka kërkuar gazetares që pyetjet t’i dërgojë me SMS dhe se më pas do të përgjigjet. Por, kryetari Bahtiri ende nuk ka kthyer përgjigje.

Ndërsa, nipi i kryetarit Bahtiri e ka konfirmuar se është emëruar në pozitën e drejtorit të Drejtorisë për Mbrojtje dhe Shpëtim.

“Po, unë jam emëruar drejtor i Drejtorisë për Mbrojtje dhe Shpëtim”, ka thënë Nehat Bahtiri.

Po ashtu, drejtori i ri e ka pranuar se kryetari i Mitrovicës së Jugut, Agim Bahtiri, është axha i tij.

Në një CV të publikuar në web-faqen e Komunës së Mitrovicës së Jugut, Nehat Bahtiri, te pika “Arsimimi dhe Trajnimet” ka shkruar: “Ka vaijuar shkollimin në institutin e tekonologjisë në Irland”.

Ndërsa te pika “Eksperienca e Punës”, ka shkruar: “E gjithë përvoja dhe aktiviteti i punës është zhvilluar jashtë Kosovës”.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test