Në qytetin e Mitrovicës do të shtohen edhe tri lapidare.
Lapidari i Adem Jasharit, ai i minatorëve dhe viktimave të luftës së fundit janë në fazë të tenderimit dhe do të realizohen brenda afatit të paraparë.
“Bordi i drejtorëve shqyrtoi edhe përgatitjet e deritashme për realizimin e projekteve për tre lapidarët e paraparë për realizim gjatë këtij viti.
U konstatua se lapidari i minatorëve dhe ai i viktimave të sulmit barbarë të okupatorit serbë në tregun kryesor të qytetit janë në fazë të tenderimit dhe se mund të realizohen brenda afatit të paraparë.
Po ashtu u konstatua se edhe përmendorja e Adem Jasharit mund të jetë gati për përurim në afatin e përcaktuar më parë”, njoftoi komuna e Mitrovicës pas mbledhjes së sotme.
Ndërkaq, në pjesën veriore të Mitrovicës është statuja e Car Lazarit që ngjalli shumë debate në kohën kur u vendos nga komuna e Mitrovicës Veriore.