Si t’i trajtoni djegiet në kushte shtëpie - Bota Sot
Si t’i trajtoni djegiet në kushte shtëpie

Mjekësi alternative

Si t’i trajtoni djegiet në kushte shtëpie

Më: 29 dhjetor 2018 Në ora: 12:29
Foto ilustrim

Në kuzhinë, qëndrimi i gjatë në diell, kontakti me sipërfaqe apo lëngje të nxehta mund të shkaktojë djegie të mëdha në lëkurë.

Por varësisht nga shkalla e djegies duhet të bëhet edhe vizita mjekësore, por edhe mund ta trajtoni edhe në kushte shtëpie.

Janë disa produkte natyrale që gjenden në shtëpinë tuaj e që jo vetëm se përshpejtojnë shërimin por edhe ulin rrezikun e ndonjë infeksioni.

Aloe Vera

Aplikoni xhelin e pastër të aloes (direkt nga bima) në lëkurën e djegur dy herë në ditë, kjo do ta lehtësojë dhimbjen dhe do ta shërojë plagën.

Vajrat esenciale

Disa vajra esenciale mund të përdoren si trajtime natyrale për lehtësimin e djegies. Vaji esencial i livandës mund të aplikohet në zonën e djegur tri herë në ditë për të ndihmuar zbutjen e lëkurës së dëmtuar dhe për të përshpejtuar shërimin. Vaji i pemës së çajit mund të përdoret gjithashtu për të ndihmuar në uljen e rrezikut të infeksionit. Për lehtësim dhimbjeje, provoni vajin e mentës.

Vitamina E

Vitamina E vepron si një antioksidant i fuqishëm për të ndihmuar lehtësimin e dhimbjes e riparimin e indeve të dëmtuara nga djegia. Përdoreni Vitamina E si xhel dhe aplikojeni direkt në lëkurë.

Megjithatë sigurohuni që të pini shumë ujë për të hidratuar organizmin, pas humbjes së lëngjeve. Hani agrume pasi janë të mbushura me Vitamina C. Vitamina C funksionon si një antioksidant shërues që ndihmon në rritjen e sistemit imunitar dhe riparimin e indeve të dëmtuara.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...